Ota-onalar uchun

Platforma nima?

Bu yoshlar uchun notijorat ta'limiy-ijtimoiy platforma: grant, stipendiya va tanlovlar katalogi, o'zbek tilidagi tekshirilgan maqolalar, so'rovnomalar va yoshlar o'z fikrini yozadigan "Ovozing" bo'limi. Saytda reklama va pullik xizmatlar yo'q.

Yosh cheklovlari

• 14 yoshgacha — ro'yxatdan o'tish mumkin emas (materiallarni o'qish ochiq).
• 14–15 yosh — ro'yxatdan o'tishda ota-onaning email manzili kiritiladi.
• 18 yoshgacha — "18+" belgili materiallar ko'rsatilmaydi; profil sukut bo'yicha yopiq; familiya va maktab yoki o'quv yurti hech qachon ommaga chiqmaydi.
• 18 yoshga to'lganda cheklovlar avtomatik olinadi.

Xavfsizlik choralari

• Yoshlar yozgan barcha "Ovozing" materiallari nashrdan oldin muharrir tomonidan tekshiriladi.
• Izohlar avtomatik filtrdan o'tadi, shikoyat tizimi bor; voyaga yetmaganlarga oid shikoyatlar birinchi navbatda ko'riladi.
• Shaxsiy xabar almashish (chat) funksiyasi yo'q — begona odam farzandingizga yashirin yozolmaydi.
• Ma'lumotlar uchinchi shaxslarga berilmaydi va reklama uchun ishlatilmaydi.

Farzandingiz bilan nima haqida gaplashish mumkin

• Qaysi imkoniyatlarga ariza topshirmoqchi ekanini birga ko'rib chiqing — haqiqiy grant hech qachon "ariza uchun to'lov" so'ramaydi.
• Onlayn hurmat va shaxsiy ma'lumotlarni (manzil, telefon, hujjat surati) ulashmaslik haqida gaplashing.
• Biror narsa uni bezovta qilsa, sizga aytishi mumkinligini eslating.

Ota-ona sifatida huquqlaringiz

16 yoshgacha bo'lgan farzandingiz hisobi haqida ma'lumot olish, ma'lumotlarni tuzatish yoki hisobni o'chirishni so'rash uchun ro'yxatdan o'tishda ko'rsatilgan email manzilidan info@zavlodlab.uz ga yozing. Batafsil: Maxfiylik siyosati, Hamjamiyat qoidalari.

Yordam kerak bo'lsa

Bolalar va yoshlar uchun bepul ishonch telefoni: 1146. Favqulodda holatda: 112.